ആൽപ്പാറ സെൻററിൽ സ്കൂട്ടറുകൾ തമ്മിൽ കൂട്ടിയിടിച്ച് അപകടം: രണ്ടുപേർക്ക് പരിക്ക്

പട്ടിക്കാട്. പീച്ചി ഡാം റോഡിൽ ആൽപ്പാറ സെൻററിൽ സ്കൂട്ടറുകൾ തമ്മിൽ കൂട്ടിയിടിച്ച് ഉണ്ടായ അപകടത്തിൽ രണ്ടുപേർക്ക് പരിക്കേറ്റു. കമ്പനിപ്പടി ആലപ്പാട്ട് വീട്ടിൽ സൈമൺ, വെട്ടുകാട് സ്വദേശി രാഖിൽ എന്നിവർക്കാണ് പരിക്കേറ്റത്. സാരമായി പരിക്കേറ്റ സൈമണിനെ പീച്ചീസ് ആശുപത്രിയിൽ പ്രവേശിപ്പിച്ചു. ഇന്ന് രാത്രി 8 മണിയോടെയാണ് അപകടം നടന്നത്. പട്ടിക്കാട് ഭാഗത്തേക്ക് പോവുകയായിരുന്ന രാഖിലിന്റെ സ്കൂട്ടറിൽ കണ്ണാറ ഭാഗത്തേക്ക് പോയിരുന്ന സൈമണിന്റെ സ്കൂട്ടർ ഇടിച്ചാണ് അപകടം.