ആൽപ്പാറ ഇവിയു പടി കനാൽ പുറം റോഡിൻ്റെ ഉദ്ഘാടനം റവന്യൂ മന്ത്രി കെ രാജൻ നിർവഹിച്ചു

ആൽപ്പാറ. പ്രദേശവാസിയുടെ വർഷങ്ങളായുള്ള ദുരിത യാത്രയ്ക്ക് പരിഹാരമായി ഇവിയു പടി കനാൽ പുറം റോഡിൻ്റെ ഉദ്ഘാടനം റവന്യൂ വകുപ്പ് മന്ത്രി കെ രാജൻ നിർവഹിച്ചു.  മാസങ്ങളായി തകർന്നു തരിപ്പണമായി കിടന്ന റോഡ് ഒല്ലൂർ നിയോജക മണ്ഡലം എംഎൽഎയും റവന്യൂ മന്ത്രിയുമായ കെ രാജന്റെ ആസ്തി വികസന ഫണ്ടിൽ നിന്നും 31 ലക്ഷം രൂപ ചെലവഴിച്ചാണ് പുനർ നിർമ്മിച്ചത്. 128 മീറ്റർ നീളവും 4.40 മീറ്റർ വീതിയിലുമാണ്

റോഡ് ടൈൽ വിരിച്ച് നിർമ്മാണം നടത്തിയത്. റോഡിന് ഇരുവശത്തും അഴുക്കുചാലും നിർമിച്ചിട്ടുണ്ട്. പഞ്ചായത്തിലെ ഇരുപത്തിയൊന്നാം വാർഡിനേയും പതിനൊന്നാം വാർഡിനെയും ബന്ധിപ്പിക്കുന്ന റോഡാണ് ഇത്.

പഞ്ചായത്ത് പ്രസിഡൻ്റ് പി.പി. രവീന്ദ്രൻ അധ്യക്ഷനായ ചടങ്ങിൽ കരാറുകാരൻ സജിമോനെ മന്ത്രി ആദരിച്ചു. വൈസ് പ്രസിഡൻ്റ്‌ സവിത്രി സദാനന്ദൻ, സ്റ്റാൻഡിങ് കമ്മിറ്റി ചെയർമാൻമാരായ കെ.വി. അനിത, സുബൈദ അബൂബക്കർ, പഞ്ചായത്ത് അംഗങ്ങളായ സുശീല രാജൻ, ഷൈലജ വിജയകുമാർ, സ്വപ്ന രാധാകൃഷ്ണൻ, രേഷ്മ സജീഷ് എന്നിവർ പരിപാടിയിൽ പങ്കെടുത്ത് സംസാരിച്ചു.