അറിയിപ്പുകൾ / ജോലി ഒഴിവുകൾ

യോഗാപരിശീലക അഭിമുഖം

വനിതാശിശു വികസന വകുപ്പിന് കീഴിൽ രാമവർമ്മപുരത്ത് പ്രവർത്തിക്കുന്ന മഹിളാമന്ദിരത്തിലെ താമസക്കാരെ യോഗ പരിശീലിപ്പിക്കുന്നതിന് വനിത യോഗാപരിശീലകയെ തിരഞ്ഞെടുക്കുന്നതിനുള്ള അഭിമുഖം നടത്തുന്നു. താൽപര്യമുള്ളവർ യോഗ്യത, പ്രവൃത്തിപരിചയം, പ്രായം എന്നിവ തെളിയിക്കുന്ന രേഖകളുടെ പകർപ്പുകൾ സഹിതം സെപ്റ്റംബർ 29 ന് രാവിലെ 11 മണിക്ക് രാമവർമ്മപുരത്തുള്ള മഹിളാമന്ദിരത്തിൽ എത്തണം. ഫോൺ 04872328258

ഫെലോഷിപ്പ്അവാർഡ് എൻഡോവ്‌മെന്റുകൾക്ക് അപേക്ഷ ക്ഷണിച്ചു

കേരളകലാമണ്ഡലം നൽകിവരുന്ന ഫെലോഷിപ്പ്അവാർഡ് എൻഡോവ്‌മെന്റുകൾക്ക് നാമനിർദ്ദേശം ക്ഷണിച്ചു. ക്ലാസിക്കൽ കലകളിൽ ദീർഘകാലം പ്രവർത്തിച്ച രണ്ട് കലാകാരൻ /കലാകാരി എന്നിവർക്ക് സമ്മാനിക്കുന്നതാണ് ഫെലോഷിപ്പ്. കഥകളി വേഷം, കഥകളി സംഗീതം, കഥകളി ചെണ്ട, കഥകളി മദ്ദളം, ചുട്ടി, കൂടിയാട്ടം, മോഹിനിയാട്ടം, തുള്ളൽ, കർണാടകസംഗീതം, മൃദംഗം, നട്ടുവാങ്കം, പഞ്ചവാദ്യം, കലാ ഗ്രന്ഥം, ഡോക്യുമെന്ററി, സമഗ്ര സംഭാവന പുരസ്‌കാരം, യുവ പ്രതിഭ അവാർഡ്, മുകുന്ദ രാജ സ്മൃതി പുരസ്‌കാരം എന്നിവയാണ് അവാർഡുകൾ. കലാ രത്‌നം, ഡോ. വി എസ് ശർമ എൻഡോവ്‌മെന്റ്, പൈങ്കുളം രാമചാക്യാർ പുരസ്‌കാരം, വടക്കൻ കണ്ണൻ നായർ പുരസ്‌കാരം, ദിവാകരൻ നായർ സ്മാരക സൗഗന്ധിക പുരസ്‌കാരം, ഭാഗവതർ കുഞ്ഞുണ്ണി തമ്പുരാൻ എൻഡോവ്‌മെന്റ് എന്നിവയാണ് എൻഡോവ്‌മെന്റുകളുടെ പട്ടിക.  കലാകാരന്മാർ, സഹൃദയർ, സംഘടനകൾ എന്നിവർക്ക് അപേക്ഷ നൽകാം. അപേക്ഷകൾ ഒക്ടോബർ 10ന് വൈകിട്ട് അഞ്ച് മണിക്കകം രജിസ്ട്രാർ, കേരള കലാമണ്ഡലം കല്പിത സർവകലാശാല, ചെറുതുരുത്തി, തൃശൂർ679531 എന്ന വിലാസത്തിൽ നേരിട്ടോ തപാൽ മുഖേനയോ നൽകണം. നിയമാവലി സംബന്ധിച്ച വിവരങ്ങൾ www.kalamandalam.ac.in എന്ന വെബ്‌സൈറ്റിൽ ലഭ്യമാണ്.

പ്രൈം ന്യൂസ് പാണഞ്ചേരി യുടെ വാട്ട്‌സ്ആപ്പ്‌ ഗ്രൂപ്പിൽ ചേരാൻ: https://chat.whatsapp.com/IAHeBh7OdPIA68vajsuJSg

ഫേസ്ബുക്ക് പേജ്: https://www.facebook.com/primenewspananchery

പ്രൈം ന്യൂസ് പാണഞ്ചേരി യുടെ ടെലിഗ്രാം ചാനൽ സബ്സ്ക്രൈബ് ചെയ്യാൻ: https://t.me/primenewspananchery