റബ്ബർ ബോർഡ് സാമ്പത്തിക സാഹായത്തിനായി അപേക്ഷ ക്ഷണിച്ചു

2018ലും 2019ലും റബ്ബർ  പ്ലാന്റ് ചെയ്ത കർഷകർക്ക് റബ്ബർ ബോർഡ് നൽകുന്ന സാമ്പത്തിക സഹായത്തിനായി  അപേക്ഷ ക്ഷണിച്ചു.  രണ്ട്  ഹെക്ടറിൽ കൂടുതൽ റബ്ബർ കൃഷി ഇല്ലാത്ത കർഷകർക്ക് നിബന്ധനകൾക്ക് വിധേയമായി ഒരു ഹെക്ടർ വരെയുള്ള സ്ഥലത്ത് നടീൽ ഗ്രാന്റിനായി അപേക്ഷിക്കാം. അപേക്ഷകൾ 2021 നവംബർ 30നോ അതിനുമുമ്പോ കേന്ദ്ര സർക്കാരിന്റെ  വെബ് പോർട്ടൽ വഴി ഓൺലൈനായി സമർപ്പിക്കാം. റബ്ബർ പ്ലാന്റ് ചെയ്തിട്ടുള്ള സ്ഥലത്തിന്റെ ഉടമസ്ഥാവകാശം തെളിയിക്കുന്നതിനുള്ള സർട്ടിഫിക്കറ്റ്, നട്ടുപിടിപ്പിച്ച സ്ഥലത്തിന്റെ ഏകദേശ രേഖാചിത്രം, ബാങ്ക് പാസ് ബുക്കിന്റെ പകർപ്പ് (ആധാറുമായി ബന്ധിപ്പിച്ച അക്കൗണ്ട്), ജോയിന്റ് ഉടമസ്ഥത/ പ്രായപൂർത്തിയാകാത്ത അപേക്ഷകർ എന്നിവയ്ക്കുള്ള നോമിനേഷൻ തുടങ്ങിയവ അപേക്ഷയോടൊപ്പം അപ്‌ലോഡ് ചെയ്യണം.  കർഷകർ നിശ്ചിത തീയതിക്കകം അപേക്ഷകൾ സമർപ്പിക്കണം. പരിശോധനകൾക്ക് ശേഷം അർഹതപ്പെട്ടവർക്ക് ഹെക്ടർ ഒന്നിന് 25,000 രൂപ നിരക്കിൽ അക്കൗണ്ടിലേക്ക് ക്രെഡിറ്റ് ചെയ്യും. വിശദവിവരങ്ങൾ റബ്ബർ ബോർഡിന്റെ www.rubberboard.org.in എന്ന വെബ്‌സൈറ്റിൽ ലഭിക്കും. കൂടുതൽ വിവരങ്ങൾക്ക്, അടുത്തുള്ള റബ്ബർ ബോർഡ് റീജിയണൽ ഓഫീസുകളുമായോ ഫീൽഡ് ഓഫീസുകളുമായോ റബ്ബർ ബോർഡ് കോൾ സെന്ററുമായോ ബന്ധപ്പെടുക.ഫോൺ: 04812576622