കോരംകുളം ക്ഷേത്രം നടപ്പുര: തൂണുകളുടെ നിർമ്മാണം ആരംഭിച്ചു

പട്ടിക്കാട്. കോരംകുളം ക്ഷേത്രത്തിൽ നടപ്പുര നിർമ്മാണവുമായി ബന്ധപ്പെട്ട്  എട്ട് തൂണുകളുടെ നിർമ്മാണം ആരംഭിച്ചു. കന്യാകുമാരിയിൽ നിന്ന് എത്തിച്ച ശ്രീകൃഷ്ണ ശിലകൾ ക്ഷേത്രം ഭാരവാഹികൾ മാലയിട്ടു സ്വീകരിച്ചു. ക്ഷേത്രം മേൽശാന്തി കർപ്പൂര ആരാധന നടത്തി. വരും ദിവസങ്ങളിൽ ഒറ്റപ്പാലം അയ്യപ്പൻ കുട്ടിയുടെ നേതൃത്വത്തിൽ 8 ശിൽപികൾ ശ്രീകൃഷ്ണ ശിലയിൽ ദശാവതാരം കൊത്തുകയും മറ്റു അലങ്കാര പണികൾ നടത്തുകയും ചെയ്യും. ഒരുമാസത്തിനുശേഷം പ്രതിഷ്ഠാദിനത്തിൽ കൽത്തൂണുകൾ സമർപ്പിക്കും. ചടങ്ങിൽ സെക്രട്ടറി കോരംകുളം പീതാംബരൻ, പ്രസിഡന്റ് ബിജു കൊല്ലമറ്റം, കമ്മറ്റി മെമ്പർ സതീഷ് മേലുവീട്ടിൽ എന്നിവരും മറ്റു ശിൽപികളും പങ്കെടുത്തു.